Realiza Konferensia Dezemvolvimentu Investimento, WB – IFC Sei Promove Investimento iha TL

DILI, www.news-viptv.com – Atu promove investimentu iha Timor-Leste hodi atinji governu nia objetivu ba diversifikasaun ekonomia,  World Bank (WB) ka Banku Mundial no International Finance Corporation (IFC) sei realiza konferensia dezenvolvimentu ekonomia iha Dili.

Atu realiza konferensia ne’e, reprezentante WB ho IFC hasoru malu ona ho Prezidenti Republika, Jose Ramos Horta hodi deskuti mos ba planu dezemvolvimentu Ekonomia no mos Greater Sun Rise iha TL.

“Enkontru ida ne’e ami deskute konaba planu atu halao ho konferensia dezemvolvimentu ekonomia no mos oinsa ita bele kopera hamutuk ho Governo atu promove investimento iha Timor Leste no Liu husi sector privado hodi atinji Governo nia objetivu hodi halo diversifikasaun ekonomia,” hateten David Freedam, Reprezentante IFC iha Timor-Leste hafoin enkontru ho PR Horta iha Salaun Galeria Memoria Viva, Farol, Kuarta ( 11/10/2023).

Iha dezemvolvimentu ekonomia nian, IFC observa katak Governo iha finansa estado nian no Governo iha rekursus atu atinji objetivu sira ne’e presiza duni hadia dezemvolvimentu finanseiru nian.

“Prezidente nia nota katak depois de Governo foun iha interese lubuk ida atu investe husi nasaun oioin no atu asegura katak investimento ne’ebe ema balun konsidera hela bele akontese duni  ita presisa koperasaun ne’ebe diak entre Governo ho parseiru sira hotu,” esplika Freedam.

Representante World Bank, Bernard Harbone hateten, Governu ho entidade sira tenke buka meius oinsa atu hasa’e kresimentu ekonomia relasiona ho dezempregu ne’ebe akontese iha Timor-Leste.