SOFIA, www.news-viptv.com – Prezidente Repúblika, J. Ramos-Horta hato’o palestra ida ne’ebé importante iha Institutu Ministériu Negósiu Estranjeiru Bulgária nian, hodi subliña Timor-Leste nia viajen notável ba pás no rekonsiliasaun.
Bainhira ko’alia ba audiénsia distintu hosi embaixadór sira no diplomata sira, Ramos-Horta subliña Timor-Leste nia realizasaun durante tinan 23 hodi mantein demokrasia lahó violénsia étnika ka relijioza, hodi nota progresu signifikativu dezde independénsia iha tinan 2002 – inklui aumentu hosi pessoál médiku na’in 20 de’it ba liu rihun ida, habelar asesu eletrisidade iha nasaun tomak, no aumenta hosi universidade ida ba universidade liu sanulu.
IHa komunikadu imprensa ne’ebe redasaun assesu hateten, Prezidente destaka kompromisu Timor-Leste nian ba rekonsiliasaun duké vingansa, partikularmente ninia relasaun hakmatek ho Indonézia, ne’ebé diplomata europeu sira haree hanesan surpreza no admirável tanba konflitu rejionál sira ne’ebé la’o hela hanesan Ukránia-Rúsia. Prezidente subliña katak esforsu rekonsiliasaun nasionál, liuliu ho Indonézia, sai instrumentál hodi garante pás iha nasaun tomak. Durante ninia aprezentasaun, Xefe Estadu aborda mós dezafiu internasionál sira ne’ebé boot liu inklui konflitu sira iha Gaza.
Prezidente Ramos-Horta espresa satisfasaun katak maski Timor-Leste nu’udar nasaun ki’ik no la’o hela iha dezenvolvimentu, ninia ezemplu pozitivu rezoan ho nasaun europeu sira, kulmina iha planu kooperasaun bilaterál ho Bulgária hodi harii hamutuk ba futuru.