PR Horta Simu Karta Kredensial hosi Embaixador Nasaun 6

Dili, www.news-viptv.com – Prezidenti Republika (PR), Jose Ramos Horta simu ona karta kredensial hosi embaixador nasaun neen (6), iha Palasiu Prezidensial, kuarta (13/09/2023).

Embaixadór hosi nasaun 6 sira ne’ebe entrega karta kredensial ne’e maka Ahmed Abdullah Alharmasi, Embaixadór ba Reinu Bahrain, Abdullah Salem Obaid Salem Al Dhaherri  (Emiradu Árabe Unidu (EAU), Faisal Abdukkah H. Amodi (Arabia Saudita), Oliver Zehnder (Suíça), Padanig Francis (Repúblika Irlanda) no  Fabien Penone (Franseza). Embaixador sira hotu ne’e ho residensia iha Jakarta, Indonezia

Ho entrega karta kredensial ne’e, Vise Ministra ba assuntu ASEAN, Milena Rangel hateten haforsa liu tan hodi lasu koperasaun, bilateral no mos amizade entre pais nain neen ho Timor-Leste.

‘’Embaixadór sira hatudu sira-nia komitmentu atu hamutuk ho Prezidente hodi reforsa kooperasaun bilaterál entre sira-nia nasaun no Timor-Leste. Sira mós hatudu sira-nia interese atu esplora kooperasaun sira iha área ne’ebé bele fó benefisiu ba ita nia nasaun,’’ dehan Vise-Ministra Asuntu ASEAN.

Estabelesimentu no reforsa ligasaun amizade entre Repúblika Demokrátika Timor-Leste ho nasaun seluk mak importante tanba Timor-Leste nu’udar nasaun soberania ne’ebé interdependente, globalmente no rejiaonalmente.