PNTL Dili Rejista Asidente 110 iha Maiu, 1 Mate, Suspeitu Kazu Ponte CPLP Kapturadu

DILI, www.news-viptv.com – Komando Polisia Nasional Timor-Leste (PNTL) Munisipiu Dili relata katak durante Maiu 2024, rejista asidenti hamutuk 110.

Asidenti ne’e, Komandante Komando PNTL Munisipiu Dili, Superintendente Xefi Orlando Gomes informa husi numeru refere, nain 1 relata mate no nain 18 hetan kanek grave.

Hodi prevene asidenti akontese, nia parte sei orienta parte Polisia Tranzito Munisipiu nian hodi halo autostop ba transporte sira, liliu iha tempu kalan.

Kona ba kazu Ponte CPLP ne’ebe hamate ema ida, Komandante ne’e esplika parte polisia kaer ona suspeitu no dadauk ne’e iha ona sela detensaun Komando PNTL Dili.