Ministru Komersiu no Industria Halo Vizita Supreza ba Diresaun Ministeriu sira

DILI, www.news-viptv.com – Hodi hatene mapamentu no forsa traballu iha Ministeriu Komersiu no Industria, Ministru Komersiu no Industria Nino Pereira halo vizita supreza ba Diresaun Nasional apoiu desenvolvimentu mikro pequenas no media emprezas ne’ebe tutela ba ministeriu nian, Segunda (1/4/2024).

Iha vizita supreza ne’e, Nino Pereira nu’udar ministru lamenta ho attitude funsionariu sira, inklui kargu xefia ne’ebe latama servisu tuir oras no balun abandona edifisiu hodi husik responsabilidade nu’udar makina estadu nian.

Iha parte seluk, hosi vizita supreza ne’e mos hare kondisaun edifisiu balun ne’ebe la sufsiente hodi fasilita fatin servisu nian ba funsionariu sira, inklui persiza halo rehabiitasaun ba kondisaun balun.

Ministeriu Komersiu Industria dadauk ne’e iha Diresaun 13 ho departementu 34 ho total nia funsionariu hamutuk 402 ne’ebe hosi numeru ne’e nain 201 nu’udar funsionariu estadu.