DILI, news-viptv.com – Golu rua Leticia Claudia nian ne’ebe nia halo iha minute 31 no 72 lori nia ekipa FC. Maudoko manan bo’ot FC. Nain-Feto 4-0 iha kontinuasaun jogu segund divisaun Liga Timorense Futebol de Femenino, Domingu (19/9/2021).
Alende golu Leticia Claudio, nia kompanheira rua seluk Leonia Soares no Carlota Tilman mos hakerek sira nia naran iha lista markagol ne’ebe sira halo iha minute 53 no 66.
FC. Maudoko iha jogu ne’e hetan oportunidade tiru penalidade rua, maibe ne’ebe halao hosi Emilia Gomes no Leonia da Costa la rezulta golu.
Ho rezultadu ne’e, FC. Maudoko tuur iha numeru daruak iha kasifikasaun provizoriu segunda divisaun ho pontu 3 hosi jogu rua ne’ebe halao ona.
Iha nia jogu dahuluk, FC. Maudoko lakon 0-2 hosi FC. VDL.