LFTL 2021 I PRIMEIRA DIVISAUN I FC. DIT 1 – 3 FC. ASSALAM

DILI, www.news-viptv.com – Klubu DIT FC metin nafatin iha zona degradasaun hafoin lakon tan hosi FC. Assalam 1-3, Domingu (28/11/2021), iha Estadiu Munisipal Dili.

Maski lakon ba nia jogu datoluk, DIT sei iha oportunidade hodi sai hosi zona degradasaun tamba sei iha jogu 3.

FC. Assalam ne’ebe iha nia jogu rua antes sempre hetan derrota, iha jogu ne’e konsege lori fila pontu 3 liu hosi golu ne’ebe halo hosi Martinho Belo iha minutu 46 no 92 no Husen Costa iha minutu 72.

Golu ida DIT FC nian hatama iha minutu 63 hosi ain Jose Almeida.

Constantinho Babo VIP TV