TRMB 2021 I ACADEMICA RENDE BA SLB

DILI, www.news-viptv.com – Jogu entre FC. Academica versus AD. SLB ne’ebe hapara tamba udan bo’ot, ikus desidi la kontinua maski jogu tama ona minutu 20.

Iha jogu ne’e, skoru ne’ebe iha maka AD. SLB lidera jogu liu hosi golu Julia Belo iha minutu 4’ no 8’, Milenia Saldanha iha minutu 12 no Vanessa Fernandes iha minutu 20’.

“Klubu rua konkorda malu la kontinua jogu, no AD. SLB maka manan iha jogu ne’e ho golu 4-0,” esplika Gelasio da Silva, Direitor Kompetisaun FFTL ba VIP TV, Kuarta (24/11/2021), iha Kampu Futebol FFTL, Dili.

Ho resultadu ne’e, AD. SLB hakat ba semi-finais no sei hasoru Maranatha ne’ebe manan AF. Baucau 2-0 iha jogu ne’ebe realiza Kuarta 24/11/2021).