banner 728x250

Susesu Lidera AFF Suzuki Cup 2020, Maioria Assosiasaun Futebol Munisipiu Hakarak Siku kalbuadi Lidera Hikas FFTL

  • Share

DILI, www.news-viptv.com – Susesu eventu AFF Suzuki Cup 2020 la ses hosi lideransa Dato Sri Francisco Kalbuadi Lay, Timoroan ida ne’ebe AFF fo fiar hodi sai prezidenti kompetisaun ba festa futebol alto nivel iha rejiaun sudeste aziatiku.

Ho susesu ne’e hare figura ne’ebe uluk lori mudansa ba futebol iha Timor-Leste, maioria assosiasaun futebol munisipiu sira hakarak Francisco Kalbuadi Lay lidera hikas Federasaun Futebol Timor-Leste nudar prezidenti.

banner 336x280

Porta voz ekipa susesu kandidatura Francisco Kalbuadi Lay, Aleixo Monteiro alias Avansa deklara, hamutuk assosiasaun 13 maka fo ona konfiansa ba sira nia kandidatura hodi kompete iha kongressu nasional FFTL ne’ebe sei realiza fulan oin

Iha fatin ketak, Prezidenti Assosiasaun Futebol Dili Leste, Aleixo Cobra hateten, maioria assosiasaun ne’ebe deklara ne’e laos apoiu, maibe hakarak duni atu Francisco Kalbuadi Lay lidera hikas FFTL ne’ebe durante ne’e persiza hadia hikas nia organizasaun.

Nune’e mos Ipolito Soares, Prezidenti Assosiasaun Futebol Munisipiu Dili Weste ne’e hare’e Francisco Kalbuadi Lay merese duni atu lidera hikas FFTL nune bele lori dezemvovilmentu futebol diak liu tan iha futuru.

Komentariu ba hakarak hosi maioria assosiasaun futebol municipal sira, Francisco Kalbuadi Lay pronto atu hamutuk fali dezemvolve Futebol Timor-Leste ba Prezidenti FFTL.

“Desde hahu FFTL ami harii ho ema lubuk ida ho zero no ohin loron buat hotu iha ona. Uluk tamba hau sai sekjen CNRT, entaun hau husik tiha FFTL no mos pozisaun importante iha AFC no AFF. Maibe, ho hakarak maioria assosiasaun hodi hau lidera fali, hau respeitu dezisaun sira nian, tamba dezisaun ne’e kolektiva, hau prontu atu hamutuk,” komentariu Francisco Kalbuadi Lay ba VIP.TV, Kinta (6/1/2022), via telefoni.  

Dadauk ne’e Komite electoral kongressu nasional FFTL, anunsia ona iha kandidatu prezidenti nain 3 maka atual prezidenti FFTL, Francisco Jeronimo, antigu Prezidenti FFTL, Francisco Kalbuadi Lay no Prezidenti Liga Futebol Timor-Leste, Nilto Gusmao.

Violante Guterres/ Constantinho Babo VIP TV

  • Share

Leave a Reply

Your email address will not be published. Required fields are marked *