LFTL 2021 SEGUNDA DIVISAUN GRUPU B I FC. EMMANUEL 0 – 2 FC. SANTA CRUZ

DILI, www.news-viptv.com – Santa Cruz hetan tan vitoria ba nia jogu daruak wainhira halakon Emanuel 2-0 iha jogu ne’ebe halao iha Estadiu Municipal Dili, Sabadu (23/10/2021)

Emannuel FC, ne’ebe treina hosi eis avansadu selesaun nasional, Emilio da silva konsege halo balansu jogu, maski iha minutu 10 lakon golu ida liu hosi Santa Cruz nian  ne’ebe hatama hosi Liborio Jeronimo.

Performa baliza rua tantu Carvarino fernandes hosi Emmanuel no Marcio Soares hosi Santa Cruz dala barak hapara no blokeia bola sira ne’ebe suta hosi sira nia adversariu.

Maibe dewi fortuna halis liu ba Santa Cruz, iha minutu 62 liu hosi nia avansadu alexander corsino aumenta golu ba ekipa ne’ebe treina hosi Joao Felicano. Skoru muda ba 2-0.

Iha minutu 83, Santa Cruz tenki lakon nia jogador ida, hafoin arbitru Romario teti fo kartaun mean ba Alito Cruz.