Investor Indonezia Sei Loke Fabrika Hena iha Oekusi no Fo Servisu Ema 5000

DILI, www.news-viptv.com – Investor Indonezia no Singapura hakarak loke Fabrika hena iha Oekussi no prontu fo servisu ema 5,000.

Investimentu fabrika hena ho kapital besik miliaun $20 ne’e informa hosi Prezidenti Autoridade Rejiaun Administrativa Espesial Oekusi Ambeno (RAEOA), Rogerio Lobato wainhira hato’o relatoriu servisu ba Primeiru Ministru Xanana Gusmao, Tersa (8/4/2024) iha Palacio do Governo, Dili

Alende investimentu fabrika hena, iha mos investidor hosi rai seluk ne’ebe hakarak investe osan hamutuk miliaun $ 70 iha area hotel.

Iha parte seluk, prezidenti autoridade RAEOA ne’e mos informa kona aktu enjineriu aviasaun nian ne’ebe hamos visto aviaun twin otter ne’ebe nia rasik kestiona kona ba dokumentu sosa aviaun refere.