IFC Prontu hamutuk Governu Hadia Setor Privadu

DILI, www.news-viptv.com – International Finance Cooperation (IFC) pronto hamutuk ho Governu Timor-Leste lideradu hosi Primeiru Ministru Kay Rala Xanana Gusmão hodi hadia setor privadu iha Timor-Leste.

Kestaun ne’e Country Director IFC ba Indonesia no Timor-Leste, Euan Marshall hato’o ba Primeiru Ministru iha Palacio do Governo, Kinta (30/11/2023).

Euan Marshall vizita Timor-Leste hodi hare’e servisu IFC nian no koperasaun ne’ebe instituisaun refere halo ho entidades Timor-Leste no hasoru Prezidenti Republika ho Primeiru Ministru hodi rona mos nai ulun sira nia hanoin no idea iha koperasaun.

“Inkontru ne’e ami mai hato’o ami nia servisu no planu ba futuru, inkuantu rona mos idea husi primeiru ministru hodi hadia setor privado sira liu ba area ekonomia iha Timor Leste,” hateten Marshall ba jornalista sira.

Ho koperasaun ne’ebe IFC halo ona ho Banku Sentral Timor-Leste no ajensia finanseiru sira iha Timor-Leste, IFC sei dezemvolve tan nia koperasaun ho setor privadu sira.

“Agora ami halo koperasaun ho banku no ajensia finanseiro sira iha rai laran no mos banku sentral no hare mos parseiru ida nee ba oin no mos dezemvolve tan ligasaun emprendador sira no empreza lokal sira,” informa Marshall.