Horta Fiar Metin Manan Bo’ot iha Volta Daruak

DILI, www.news-viptv.com – Apoiu partidu politiku no movimentu ne’ebe kontinua aumenta ba nia kandidatura, Jose Ramos Horta fiar metin nia sei manan barak liu tan iha eleisaun prezidensial volta daruak ne’ebe sei realiza iha 19 Abril.

Apoia sira ne’e laos deit hosi partidu politiku ne’ebe apoia nia iha volta dahuluk, maibe mai tan hosi militante no kuadrus partidu KHUNTO no PLP.

Iha fatin hanesan, Porta Voz Movimentu Dinamiza Apoiu Ramos Horta hosi Munisipiu garantia vitoria Horta nian iha Baucau ba volta daruak.

Nune’e mos, Prezidenti PDRT, Agustinho Gomes pronto ona hamutuk ho nia militante iha baze hodi aumenta votos Ramos Horta nian nune’e bele eleitu ba prezidenti republika period 2022-2027.

Reporter: Marcia da Cruz I Cameraman: Bendito Soares