Laos Apoia Total Adezasaun TL ba ASEAN  

DILI, www.news-viptv.com – Nasaun membru ASEAN, Laos fo apoia total ba Timor-Leste nia adezasaun ba iha ASEAN.

Apoia Laos ne’e deklara hosi Prezidenti Laos Republika Popular Laos, Thongloung Sisouliht ba Prezidenti Republika (PR) Jose Ramos-Horta wainhira halo vizita estadu ba Vientiane, Laos, 1 Marsu 2024.

Xefi Estadu epslika, ho Laos nia prezidensia hodi lidera ASEAN ba tinan 2024, Timor-Leste hakarak uza oportunidade ne’e hodi halo negosiasaun no husu duni apoia Laos nian nune’e bele offisializa Timor-Leste nian adezaun nu’udar membru foun ASEAN iha 2025.

“Sira hotu-hotu apoiu ita, relasaun di’ak metin ho Laos, hanesan mos rai sira seluk. Laiha ida que lahalo amizade ho ita maibé sira apoia, respeita ita no sira kontenti ho ha’u nia vizita. Prezidente Laos hakarak mos vizita Timor-Leste, hanesan mos rai sira seluk Filipina, liurai bo’ot Brunei tempu badak sei vizita,” hateten PR Horta.

Ho apoia total Laos nian ba Timor-Leste, xefi estadu husu ba Governu atu halo avaliasaun ba Road Map ne’ebé ASEAN fó ba Timor-Leste hodi hadia ekonomia rai laran atu bele iha atrasaun ekonomia.

Timor-Leste offisialmente hatama ona dokumentu aplikasaun ba ASEAN iha 2011.