Governu Ezonera Arlindo Pinto Husi Prezidenti INSS

DILI, www.news-viptv.com – Hafoin asumi kargu durante tinan 2 desde 2024, Governu liu husi sorumutu Konsellu Ministru, Kuarta (7/1/2026), ezonera Arlindo Pinto husi Prezidenti Instituisaun Nasionál Seguransa Sosiál (INSS).

Ezonerasaun ne’e konsellu governu aprova hafoin aprezenta hosi Ministra Solidariedade Sosiál no Inkluzaun, Verónica das Dores, ba ezonerasaun Arlindo Pinto hosi kargu Prezidente Konsellu Administrasaun Institutu Nasionál Seguransa Sosiál nian, nune’e, mós hanesan Prezidente Konsellu Administrasaun Fundu Rezerva Seguransa Sosiál nian.

Rezolusaun Governu ne’e determina mós katak, to’o nomeasaun no tomada-de-pose hosi Prezidente foun Konsellu Administrasaun Institutu Nasionál Seguransa Sosiál nian, Solange de Fátima Borges, vogál ein-ezersísiu, sei hala’o knaar Prezidente Konsellu Administrasaun ho tempu temporáriu, hodi garante kontinuidade hosi servisu públiku.