Foin Sa’e 400 resin Partisipa Walk Peace iha Osaka

DILI, www.news-viptv.com – Membru foin-sa’e sira HWPL (Kultura Lalehan nian, Dame Mundiál, Restaurasaun Naroman nian) nian hamutuk 400 resin hola parte Peace Walk ou la’o-ain ba dame ne’ebe halao iha Osaka, Japan, 24 Maiu 2025 liu ba.

Peace Walk ne’e halo hodi marka aniversáriu Deklarasaun Dame Mundiál ba dala 12, sira halo marsa hodi hato’o mensajen dame nian no sira-nia determinasaun atu sai ajente dame nian ba komunidade lokál.

Peace Walk ida hodi komemora aniversáriu ba dala 12 Deklarasaun Dame Mundiál nian hala’o ho susesu iha Osaka, Japaun, ne’ebé organiza hosi sukursál Kobe hosi HWPL

Hala’o ho títulu “Ita Mak Dame. Mai Ita La’o Hamutuk!”, eventu ne’e ho objetivu atu hasa’e konxiénsia kona-ba importánsia dame nian liuhosi partisipasaun voluntáriu juventude nian, hodi hatudu asaun liu fali liafuan.

Eventu ne’e hahú iha Utsubo Park iha Osaka ho atividade “Peace Fan-Making”. Maski udan tun derepente, partisipante sira kontinua hala’o “Peace Walk” ho fuan sinseru ba dame, la’o hamutuk maizumenus kilómetru 3 husi Parke Utsubo to’o Parke Motomachinaka.

“Ha’u sempre iha interese ba dame, maibé liuhosi eventu ida-ne’e, ha’u sai kuriozu liután kona-ba HWPL no sira nia serbisu. Haree membru sira kontinua la’o dame nian ho sinseru, maski iha udan, husik hela impresaun maka’as ba ha’u. Ida-ne’e halo ha’u hakarak apoia sira nia esforsu sira,” hateten Koshiba Hidetoshi, membru Konsellu Sidade Osaka Sayama, iha komunikadu HWPL nian ne’ebe redasaun simu.

Liuliu, Peace Walk ida-ne’e tuir Midosuji Street, dalan ida ne’ebé ikónika liu iha Osaka. Tuir organizadór sira, joven sira-nia atividade dame voluntáriu sai hanesan mensajen pozitivu ba sidadaun sira. HWPL nia sukursál iha Kobe fó sai ninia planu sira atu kontinua sai uma-na’in ba Peace Walks iha rejiaun oioin ba oin.