DILI, www.news-viptv.com – Primeiru Ministru (PM) Kairala Xanana Gusmão simu vizita Tony Burke nu’udar Ministru ba Asuntu Interior, Ministru ba Imigrasaun no Asuntu Multikulturál, Ministru ba Seguransa Sibernétika, Ministru ba Arte, no Líder ba Kámara iha Parlamentu Australianu nian, Tersa (28/1/2025) Palacio do Governo, Dili.
Vizita Tony Burke, esplika Primeiru Ministru Xanana, laos haforte deit relasaun bilateral nasaun rua, maibe haforte mos relasaun entre povu Timor-Leste no povu Australia.
Iha inkontru ne’e, Tony Burke esplika, assuntu jeral ne’ebe nia koalia ho Primeiru-Ministru Xanana kona ba assuntu seguransa no Australia kompremitidu atu servisu hamutuk ho Timor-Leste hodi rezolve dezafiu sira ne’ebe fahe hamutuk hanesan migrasaun irregular inklui kontratadu ka hatama ema ho ilegal no trafiku humano, Jestaun Fronteira no seguranca sebernetika.
Assuntu seluk ne’ebe koalia mos iha inkontru ne’e maka kona ba traballador Timoroan sira iha Programa Mobilidade Traballadór Pasífiku Austrália nian no hametin relasaun artistiku no Kultural entre nasaun rua.