Timor-Leste ho Bangladesh Sei Kria Grupu Traballu ba Kooperasaun Peskiza, Formasaun no Ensinu Superior

DILI, www.news-viptv.com – Hodi apoia dezenvolvimentu rekursu umanu ba Timor-Leste, Bangladesh pronto atu kria grupu traballu konjunta ba kooperasaun peskiza, formasaun no ensinu superior.

Kriasaun grupu traballu Timor-Leste ho Bangladesh ne’e mensiona iha diskusaun entre Prezidenti Bangladesh, Mohammed Shahabuddin ho Prezidenti Republika Jose Ramos-Horta iha nia vizita estadu dahuluk ba Bangladesh ne’ebe foka liu ba esplora potensiál sira husi Bangladesh no Timor-Leste hodi aselera dezenvolvimentu nasaun rua ne’e nian.

“Bangladesh iha doutór, enjeñeiru, agronómiku, espesialista teknolojia informasaun nian no matenek-na’in sira ne’ebé iha matenek no matenek tékniku. Timor-Leste bele uza sira,” dehan Prezidenti Shahabuddin.

Prezidenti Bangladesh ne’e hateten, Timor-Leste bele serbisu hamutuk hodi esplora área potensiál dezenvolvimentu entre Bangladesh no Timor-Leste, nia ko’alia kona-ba importánsia dezenvolvimentu rekursu umanu hodi hasoru dezafiu sira iha mundu ne’ebé muda.

Iha Segunda (16/12/2024), PR Ramos-Horta akompaña husi Ministru Negosiu Estranjeiru Bendito Freitas ho delegasaun hetan konvite espesial husi  Prezidente Shahabuddin no Primeira-Dama Dra. Rebeka Sultana mak sai uma-na’in ba resepsaun Loron Vitória Bangladexe nian ba dala 54.

Resepsaun ne’e partisipa no halibur bainaka distintu oioin, Delegasaun husi Timor-Leste, Embaxador sira, membru sira hosi konsellu asesór  sira no komisáriu a’as sira hosi nasaun oioin. Eventu ne’e subliña signifikadu hosi loron ne’e no destaka relasaun manas entre Bangladesh no Timor-Leste.

Prezidente da Republika simu ona Prezidente Timor-Leste ho ai-funan bainhira to’o iha Bangabhaban iha lokraik. Prezidente Sekretariu Imprensa Md Joynal Abedin fó-hatene ba jornalista sira tuir mai.