Xina Kontribui Besik 30 % ba Kreximentu Ekónomia Globál

DILI, www.news-viptv.com – Xina nu’udar nasaun ne’ebe kaer mos ekonomia mundial, iha nia relatoriu servisu governu sira nian kontribui besik 30 % ba kreximentu ekónomia global nian.

Relatoriu servisu governu Xina nian ne’e fo sai husi Primeiru-Ministru Xinés, Li Qiang wainhira hato’o relatóriu serbisu Governu nian iha reuniaun abertura ba sesaun datoluk hosi Kongresu Nasionál Populár ba dala XIV, iha kuarta semana kotuk, iha Salaun The Great Hall of the People, Beijing.

“Iha 2024, PIB Xina nian atinji 134.9 trillaun yuan (besik $18.77 trillaun), ho taxa kresimentu ida ho pursentu 5. Fabrikasaun ho teknolojia aas hetan aumentu ida ho pursentu 8.9, no produsaun veíkulu enerjia foun liu unidade millaun 13. Nasaun ne’e mós kontribui besik pursentu 30 ba kreximentu ekonómiku globál enkuantu mantein rezerva kambiál liu biliaun US$ 3.2,” publika CTGN (lee versaun English CGTN nian iha: https://news.cgtn.com/news/2025-03-05/Graphics-Key-figures-in-China-s-2025-government-work-report 1BuaA2JvTPO/p.html?fbclid=IwY2xjawI7CztleHRuA2FlbQIxMQABHfb2dsBm6fHM4IshMVWisw0JoghopNbQcRKH5fY6kjE9iuaDUpFtSiiUZQ_aem_EnbcHOJAZ_E8hAKksX4f0A

Infografia ne’ebe CGTN publika, destaka alvu xave sira Xina nian ba 2025, inklui alvu kreximentu ekonómiku anuál ida besik pursentu 5, no realizasaun xave sira iha 2024.

Xina hakarak kria empregu urbanu foun liu millaun 12 no mantein taxa dezempregu urbanu ne’ebé maka hetan levantamentu besik pursentu 5.5. Governu planeia atu mantein inflasaun folin konsumidór nian maizumenus pursentu 2 enkuantu asegura kreximentu rendimentu pesoál nian la’o hamutuk ho espansaun ekonómika.