Dili, wwwnews-viptv.com — Prezidente Repúblika Timor-Leste no Laureadu Nobel ba Dame, José Ramos-Horta, kondena maka’as ataku tiru ho arma ne’ebé akontese iha Igreja Ortodoksa Grega São Jorge, iha suku Hamoud, Governasaun Karak, Jordánia, iha Sesta-feira, 23 Outubru 2026. Ataku ne’e akontese bainhira fiéis sira halibur atu partisipa iha serimónia funerál relijioza. Autoridade Jordánia relata katak ema mate no ema barak hetan kanek.
Ramos-Horta, iha komunikadu imprensa ne’ebe publika husi PalasiuPresidensial konsidera asaun violénsia ne’e hanesan violasaun grave ba direitus umanus, liuliu direitu ema hotu atu hala’o sira-nia fiar no kultu relijiozu ho dame no liberdade.
“Ataku ida-ne’e reprezenta ataku ba ita-nia umanidade no valór komún sira, respeitu, koesaun sosiál no relijioza, liuliu iha rejiaun ida ne’ebé hasoru tensaun no incerteza boot,” dehan Ramos-Horta.
Nia husu atu ema hotu ne’ebé envolve iha planeamentu, ezekusaun ka fó apoiu ba asaun violénsia ne’e lori ba justisa no responsabiliza tuir lei.
Timor-Leste hato’o solidariedade no apoiu tomak ba autoridade seguransa no judisiária Jordánia, atu asegura katak ema sira ne’ebé responsavel ba ataku ne’e responsabiliza tuir lei nasionál Jordánia.
Prezidente nia pozisaun ne’e mós enfatiza importánsia atu proteje sivíl sira, garante liberdade relijiaun no hametin respeitu entre komunidade ho fiar relijioza diferente.
Ataku ne’e sai preokupasaun boot kona-ba seguransa no koezisténsia relijioza iha rejiaun ne’ebé hasoru tensaun. Investigasaun autoridade Jordánia nian sei importante atu klarifika sirkunstánsia tomak kona-ba ataku no determina responsabilidade ba ema sira ne’ebé envolve. Tuir informasaun ne’ebé relata husi mídia internasionál no autoridade Jordánia, akontesimentu ne’e hahú bainhira komunidade lokál halibur iha igreja atu partisipa iha serimónia funerál. Ema barak marka prezensa iha área igreja nian, inklui iha li’ur igreja.
- Serimónia funerál hala’o
Iha Sesta-feira, 23 Outubru 2026, fiéis sira halibur iha Igreja Ortodoksa Grega São Jorge, iha suku Hamoud, Governasaun Karak, sul Jordánia, atu partisipa iha serimónia funerál. Iha momentu ne’e, família no komunidade sira sei iha laran serimónia atu fó omenajen ikus ba ema ne’ebé mate
