EUA Sei Haruka Membru 16 F-FDTL Kursu iha Amerika

DILI, www.news-viptv.com – Estadu Unidos Amerika (EUA) liu hosi koperasaun seguransa ho Governu Timor-Leste sei haruka membru F-FDTL nain 16 ba tuir formasaun iha EUA tinan ne’e.

Liu hosi Forum Klabis ne’ebe organiza hosi Embaixada EUA ho jornalista sira, Enkaragadu Negosiu Embaixada EUA, Tom Daley iha Embaixada EUA iha Pantai Kelapa, Dili, Kuarta (26/1/2022)

“Formasaun ne’ebe membru 16 F-FDTL sei tuir ne’e inklui kursu professional military, pilotu atu halo navegasaun ba aviaun Cessna aircraft,” dehan Tom Daley.

Iha kooperasaun ne’e, EUA mos sei fornese aviaun tipu cessna 206 ba governu Timor-Leste.

Daley mos informa F-FDTL halo parseira ho Unidade ha’at forsa EUA nian iha 2021 maka Forsa Terrestre, Aero, Naval no Mariña.

Timor-Leste organiza ba dahuluk ezersísiu militar forsa Terrestre – Dalan ba Dame ne’ebé reuni membru forsa EUA no F-FDTL iha formasaun no interkámbiu kultural iha fulan Jullu 2021.

“Ezersísiu ida ne’e nu’udar ezersísiu annual ida husi ezersísiu tolu ne’ebé halao ho parseria forsa defeza Timor-Leste ba formasaun, fahe esperiensia no harii relasaun ne’ebé diak atu ita nia membru militar sira bele servi diak liu tan sidadaun sira,” dehan Daley.

Nune’e mos nia informa, Membru F-FDTL  45 and 10 husi PNTL partisipa iha Exercise Cooperation Afloat Readiness and Training (CARAT).

Iha koperasaun naval nian, USS Charleston – ro’o Forsa Naval EUA nian mos halao vizita dahuluk mai Timor-Leste dezde 2019.

Nune’e mos liu hosi projetu 103 konstrui ka reabilita husi forsa Naval EUA Seabees dezde 2009 ho total orsamentu liu Millaun $50.

Iha aero nian, EUA apoiu miliaun US$ 10.6 ba reabilitasaun konjunta aeroportu Baucau no apoia Komponente Aero F-FDTL nian iha Juñu 2021.

“EUA konkorda ho governu Timor-Leste hodi lansa reabilitasaun konjunta aeroportu Baucau. Projetu ho orsamentu millaun $10.6 ne’e sei ajuda governu Timor-Leste superviziona diak liu tan ninia teritóriu, responde ba dezastre natural no promove dezenvolvimentu ekonómiku,” dehan Daley.

Nia mos esklarese ba informasaun falsu ne’ebe kontinua espalla katak EUA laiha hanoin atu halo baze militar iha Timor-Leste.

Ba seguransa saude nian iha luta hasoru COVID-19, Estadus Unidus anunsia fundu millaun US$ 2.3 iha  Septembru 2021 liu husi Komandu Indo-Pasífiku no USAID hodi harii fasilidade izolamentu iha Baucau, konstrui unidade kuidadu intensive movél iha Dili no hadiak assesu ba be’e no saniamentu iha sentru quarantine Batugade. Iha Outobru 2021, ami mo’os oferese ekipamentu protesaun pessoal oferese husi Forsa Aeria Pasífiku EUA ba Timor-Leste.

Alende ne’e mos apoiu Kaixa 80 – Ekipamentu protesaun no salva-vida ofrese ba Timor-Leste liu husi Forsa Aero Pasífiku EUA.

EUA mos halo konstrusaun sala eskola iha Baucau ne’ebé benefisia estudante eskola sekundariu 120. Konstrusaun sala ne’e gasta osan US$ 300,000.

Nune’e mos Autor Judisiario nain 240 partisipa iha formasaun kona ba investigasaun, seguransa fronteira,  kombate trafiku umanu, iha International Law Enforcement Academy iha Bangkok.