Dessimina Programa Governu, SECOMS Halo Kooperasaun ho Media 12

DILI, www.news-viptv.com – Nono Governu Konstitusionál liu husi Sekretária Estadu Komunikasaun Sosial (SEKOMS) kontinua programa kooperasaun ho orgaun komunikasaun social 12 iha plataforma media online sira iha Timor-Leste, liu husi asina akordu kooperasaun ne’ebe halao iha Salaun PCM, Palacio do Governo, Dili, Tersa (12/3/2025).

Programa kooperasaun ne’e hodi kontinua programa talkshow Governu Rona, Hare’e Rasik no Semi Advetorial.

Sekretariu Estadu Komunikasaun Sosial, Expedito Dias Ximenes esplika katak, iha kooperasaun ne’e, Governu kontinua respeita independensia redasaun hodi la interven ba redasaun media sira, maibe husu nafatin atu kumpri kodiu jurnalista nian hodi publika notisias ne’ebe faktus no balansu.

Media Orluli on Media One Timor ne’ebe hetan mos konfiansa husi SECOMS senti kontenti no pronto implementa kooperasaun refere.

Media online 12 ne’e maka, GMN TV, TVE, SMNews, VIP-TV, Média One Timor, TATOLI, Lafaek News, Lian Orluli, Gardamor TV, Media Mudansa, Hatutan.com, no SAPNews.