COVID 19: TL Sei iha Kazu Ativu 17

  • Share
Governu kontinua halao vasinasaun ba nia povu nudar meius ida aumenta imunidade kontra COVID-19. Photo: VIP TV /Bendito Soares

DILI, www.news-viptv.com – Timor-Leste iha relatoriu Ministeriu Saude no Organizasaun Saude Mundial (OMS) kontinua relata kazu ativu hamutuk 17 tuir data publikasaun 29 Marsu 2022.

Iha komunikadu imprensa Ministeriu Saude nian ne’ebe publika loron 29 Marsu 2022, Kordenadora Jeral Surtu COVID-19, dra. Odete da Silva Viegas informa kazu detetadu foun 5, inklui rekuperadu 1.

banner 336x280

Ho aumenta numeru kazu foun ne’e, desde 21 Marsu 2020, total komulativu hamutuk kazu 22,827 no total obitu iha hamutuk 130.

Komunikadu ne’e mos relata kobertura vasina kompletu (doze 2) iha Timor-Leste tomak, foin maka 72,7%.

“Ba populasaun iha Timor-Leste laran tomak, maski simu ona vasina, favor respeita nafatin regra prevensaun no ijiéne individual, ne’ebé Governu hatuur ona, atu prevene moras COVID-19 da’et ba mai,” dehan dra. Odete Viegas.

Regra sira ne’ebe komunidade tenki kumpri maka, Uza mascara, fase liman bebeik ho sabaun ka uza dezinfetante ruma, evita kose liman ba matan, inus ho ibun, wainhira kumprimenta malu lapresiza kaer liman, bensa-liman, rei-malu ka hakuak malu, evita halibur malu barak, hamriik ka tuur dook husi ema seluk mínimu metru ida ho balun.

 

  • Share

Leave a Reply

Your email address will not be published. Required fields are marked *