Bolsu Estudu Japaun, MNEK-Embaixada Japan Asina Akordu Programa JDS

DILI, www.news-viptv.com  – Governo Timor Leste Liu husi Ministério Negosiu Estrangeiru no Koperasaun (MNEK) asina troka notas ba projeto Bolsu estudu ba Dezemvolvimentu Rekursu humanu (JDS) ho Governo Japaun, Kinta (13/6/2024) iha salun nobre MNEK, Pantai Kelapa, Dili.

Objetivo husi asina troka notas ba projeto Bolsu estudu ba Dezemvolvimentu Rekursu humanu (JDS) ne’e atu hametin liu tan parseiria entre Governo Timor Leste ho governo Japaun

Programa JDS ne’ebe asina ohin halao tiha ona durante tinan (6), programa ne’e konvida lideres futuru Timor-oan sira, inklui ofisiais joven sira governo nian , atu estuda iha eskola pós-graduasaun Japaun nian. To’o agora, Timoroan nain rua-nulu-resin- rua (22) mak kompleta ona programa ne’e agora dadaun iha Japaun, bolseiru nain sanulu-resin-haat (14) halao hela sira nia masterado, no bolseiru nain ida mak iha programa Doutoramento. Sira nia área estudu nian oi-oin, inklui politika publika, servisu administrativu , polítika industrial, politika ambiental no jestaun rekursu natural.

Ministro Bendito Freitas rekoine Japaun nu’udar parseria importante ba koperasaun bilateral iha area oioin, inklui iha programa dezemvolvimentu rekursu humanu.

Programa ne’e sei sai nudar kontribuisaun signikativu ida husi Japaun ba iha Konstrusaun nasaun Timor Leste no mos ba iha promosaun relasoins amizade entre pais rua ne’e.