Aviaun Ikus Evakuasaun Inglatera Nian Susesu Husik Kabul

KABUL, news-viptv.com  –  Ministeriu Defeza Inglatera konfirma katak sira nia aviaun ikus ba evakuasaun membru militar sira nian konsege susesu husik Kabul, Afganistaun, Sabadu (28/8/2021).

“Aero ikus ne’ebe lori membru forsa Inglatera nian husik ona Kabul,” informa Ministeriu Defeza Inglatera nian iha sira komunikadu imprensa.

Ministru Defeza Inglatera, Ben Wallace hateten maski nia triste labele evakua ema barak, maibe nia orgullu ho prestasaun forsa defeza nian ne’ebe durante loron 14 konsege evakua ema hamutuk 13.000 hosi Afganistaun.

Komandante Forsa Estadu, Jeneral Nick Carter deklara forsa Inglatera hakotu ona prosesu evakuasaun sidadaun sipil sira hosi Afganistaun iha Sabadu (28/8/2021). “Ami la konsege evakua ema hotu, no ne’e triste ida. Ami foti duni dezisaun iha terenu, hafoin tetu buat balun ne’ebe tenki desidi,esplika Jeneral Carter.