Costa Sei Realiza Kompetisaun Man Fitness Bodybuilding

DILI, www.news-viptv.com – Hodi promove talenta Timoroan sira, liliu foinsa’e sira iha modalidade desportu fisikulturista ou bodybuilding, Soy Costa nu’udar marka susu been no ekipamentu fitness nian, sei realiza kompetisaun Man Fitness ba fisikulturista sira.

Kompetisaun ne’ebe sei realiza iha 17 Maiu, sei loke deit klase tolu hanesan Fitness Junior, Sport Physique no Athletic Physique.

Iha kompetisaun ne’e, tamba kestaun orsamentu, komisaun organizadora loke det ba kategoria mane sira no laiha kompetisaun ba kategoria feto nian.

Kona ba  Juri, ba kompetisaun ne’e, juri nain tolu ne’e Timoroan sira ne’ebe eis atleta bodybuilding ne’ebe reprezenta ona Timor-Leste iha eventu internasional sira.