banner 1000x250

664 Benefisiariu Simu Apoia Fundus Planu Rekoperasaun Ekonomia   

  • Share
Ministru Turismu, Komérsiu no Indústria José Lucas do Carmo da Silva Ph.D. wainhira koalia ho benefisiariu sira iha seremonia asina kontratu. Photo: Media MTCI
banner 728x90

DILI, www.news-viptv.com –  Hafoin halo selesaun no avalia dokumentu hosi grupu pequena no media empreza sira, Ministeriu Turismu, Komersiu no Industria desidi ona benefisiariu hamutuk 664 maka liu no hetan apoia hosi fundus planu rekoperasaun ekonomia nian.

“MTCI liuhusi diresaun ne’ebé tutela iha Vise-Ministra Turismu, Komunitáriu no Kultural, hala’o avaliasaun no deside fó asisténsia ba benefisiáriu fundus Planu Rekoperasaun ekonomia Apoiu Mikro Pequena Media Empreza mak hanesan tuir mai ne’e: grupu Artezenatu 143, sitíu turistika 21, street food 500 ho totál 664,” informasaun ne´ebe publika liu hosi pajina offisial MTCI iha Facebook, oras balun liu ba, Tersa (25/10/2022).

banner 1000x250

Fundus planu rekoperasaun ekonomia, nudar programa ida iha VIII Governu Konstitusional lideradu hosi Primeiru Ministru Taur Matan Ruak ne´ebe iha nia polítika ida oinsá atu rekopera ekonomia depois Timor-Leste afeita pandemia COVID-19 no kalamidade públiku ne’ebé akontese fó impaktu maka’as ba iha area turismu.

Ministru Turismu, Komérsiu no Indústria José Lucas do Carmo da Silva Ph.D. Photo: Media MTCI

Implementasaun Fundus Planu Rekoperasaun Ekonomia apoiu ba Mirko Pequena no Media Empreza, fudamenta husi Rezolusaun Governu N.º 18/2020 de 10 de Juñu kona-ba “Cria a Comissão para a Elaboração do Plano de Recuperação” liu hosi reuniaun Konsellu Ministru altera Dekretu Lei nú. 48/2020, de 7 de Outubro, ne’ebé “Adota medida apoiu ba família mediante atribui “Cesta Básica” no ba operadór ekonómiku lokál sira iha ámbitu Planu Rekuperasaun Ekonómika.

Ba Benefisiariu hira ne´e, MTCI asina ona kontratu hodi bele simu ona fundus refere ba sira nia atividade negosiu.

Ministériu Turismu, Komérsiu no Indústria prevé orsamentu planu rekuperasaun ekonomia hodi Apoiu Mikro Pequena no Media Empreza Turismu ba Diresaun Nasionál (2): Diresaun Nasionál Dezenvolvimentu Turístiku ho montante U$S 270,000.000 no Diresaun Nasionál Empreendimentos, Atividade no Produtu Turistiku ho montante $ 1,795.000.00 USD.

Fundus ne’e apoiu direita husi husi Diresaun Jeral Turismu Gabinete Vise-Ministra hodi rekupera no normaliza átividade Mikro Pekquena no Media Empreza iha setor turismu iha munisípiu 13 no RAEOA.

Serimónia asina kontratu ne’e prejidi husi Ministru Turismu, Komérsiu no Indústria José Lucas do Carmo da Silva Ph.D. akompaña husi Vise-Ministra Turismu, Komunitáriu no Kultural Inácia da Conceição Teixeira no kargu xefia sira.

Iha intervensaun husi Ministru Turismu, Komérsiu no Indústria José Lucas do Carmo da Silva Ph.D. husu ba grupu benefisiáriu atu utiliza fundu ne’e ho di’ak hodi rekopera átividade.

Ministru Turismu, Komérsiu no Indústria José Lucas do Carmo da Silva Ph.D. wainhira koalia ho benefisiariu sira kona ba lalaok fundus ne´ebe sei utiliza hosi benefisiariu sira. Photo: Media MTCI

“Programa rekoperasaun ne’e ita halo atu istimula fali na’in hira nia átividade hanesan baibain depois hetan perturbasaun husi Pandemia COVID-19 ho kalamidade, maske laos fundu boot liu maibé ida ne’e atu hakmaan ita-boot sira-nia átividade iha turismu, ospitalidade no artezenatu ne’ebé asosia ho setor turismu. Tanba ne’e hakarak fó hatene ba benefisiáriu sira hotu atu partisipa ativu liután konaba prosesu dezenvolvementu ba rekoperasaun ekonomia,” dehan Ministru Lucas.

Nia mos informa, “Husu ita-boot sira (grupu benefisiáriu-red) atu iha akuntabilidade no responsabilidade ba fundu ne’e, tanba ita iha regras relasiona ho fundu transferensia públika. Tanba ne’e hatoman-an ba atu ita hotu satisfas ho relatoriu ba fundu refere”.

Purtantu Vise-Ministra Turismu Komunitáriu Kultural Dra. Inácia da Conceição Teixeira hatete fundus ne’e atu suporta hodi rekupera no normaliza átividade Mikro Pequena Media Empreza iha setor turismu no ospitalidade ne’ebé afeta husi situasaun Pandemia Covid 19 no kalamidade ne’ebé fó estragus maka’as ba operadór turístiku no atividade turismu sira.

Vise-Ministra agradese tebes na ekipa nia esforcei hodi halo verifikasaun ba proposta husi grupu benefisiáriu sira husi Munisípiu kona-ba fundu planu rekoperasaun ekonomia liuliu ilha Mikro Pequena Media Empreza iha setor turizmu.

Proposta husi Munisípiu 13 no RAEOA hamutuk 15.000 ba iha diresaun rua iha area turismu, Artezenatu ho Grupu Kreativu, Sítiu turistiku no Street food tunu sate. Ekipa tékniku verifika balun mak pasa no balu lapasa.

Benefisiáriu João Amaral ne’ebé jere Turizmu Komunitáriu MALIKEO senti kontenti no agradese bele hetan fundus husi Ministériu Turismu Komérsiu no Indústria

“Ida ne’e programa oitavu governu nian ne’ebé fasilita emprezariu sira iha Timor, oinsa atu hakmaan emprezariu sira, tanba foin lais covid ho tan dezastre ne’ebé akontese tinan hira liu ba, impaktu tebes ba negósiu ne’ebé lao liu-liu iha área turismu, ha’u hanoin ida ne’e fasilita no apoiu tebes ba emprezariu sira ne’ebé jere sitiu turistiku sira, proposta ne’ebé ami haruka mai ami husu 48,000 maibe apoiu ami hetan 3,000,“ dehan João Amaral.

  • Share

Leave a Reply

Your email address will not be published. Required fields are marked *

error: Content is protected !!