Xefi Estadu Husu Governu Valida Passaporte to’o Tinan 10

DILI, www.news-viptv.com – Atu labele gasta kustu bebeik, xefi estadu husu ba governu atu valida passaporte to’o tinan 10.

Prezidenti Republika (PR) Jose Ramos-Horta esplika, governu tenki tau hanoin ezemplu ba estudante Timoroan sira iha rai liur, sira tenki gasta osan no tempu hodi extende hikas sira nia passaporte.

“Ha’u hateten prazu ba passaporte la bele  tinan lima de’it tamba saida mak tau de’it tinan lima tau ona tinan sanulu, dalaruma sira iha Governa la hanoin didiak ho kakutak, por ezemplu estudante sira ba Indonésia ou ba rai liur sira trata liu tinan ida foin hetan passaporte depois hein tan visa hodi ba universidade,” hateten PR Ramos-Horta ba jornalista sira iha konferensia imprensa hafoin fila hosi vizita rai liur nian, Kuarta (7/2/2024), iha Salaun VIP Aeroporto Internasional Prezidente Nikolau Lobato, Komoro, Dili.

Tamba nia nota katak antes estudante sira trata tiha dokumentu kaderneta passaporte hafoin liu tiha tinan ida hafoin hetan viza universidade nian ho nune’e hafoin sira halo estudu iha estranjeiru ne’eba valida passaporte serteza hela tinan 3 ho hirak ne’e mak sei trata fila-fali ho tempu besik.

“Favor hanoin didiak antes halo dezisaun passaporte fo validade ba tinan sanulu signifika estuda sira gasta menus tan osan atu hamenus uluk fatuk moras ba buat hirak ne’e tamba ne’e favor haree ho kakutak oitoan para la bele halo asneiras,” dehan xefi estadu.