banner 728x250

Vizita Prizaun Becora, Prezidenti C12N Fo Korajen Nafatin ba Dadur Sira

  • Share
Prezidenti C12N, Gregorio "Mouris" Saldanha hasai foto hamutuk ho dadur sira no Diretor Guarda Prizional, Joao Domingos. Photo: VIPTV/ Adao Vieira

DILI, www.news-viptv.com –  Prezidenti Comite 12 Novembru (C12N), Gregorio “Mouris” Saldaha fo koranjem nafatin ba dadur sira wainhira halao atividade sosial hodi vizita Prizaun Becora, Dili.

Iha nia vizita ne’e, Mouris husu ba maluk dádur sira  atu aproveita fatin ne’e hodi halo reflesaun no muda sira nia hahalok. 

banner 336x280

“Ami mai la’lori sasán,  maibé lori deit ami nia fuan hodi mai vizita maluk sira. Ami mai ho domin, no hakarak fo korajen no konfiansa ba maluk sira katak,  imi la’mesak.  Maski imi dok husi família,  maibé Maromak hamutuk ho imi liu husi ema seluk.  Ema seluk ne maka imi nia dádur maluk sira hamutuk ho Guarda Prizional sira.  Sira maka imi nia família. Imi hotu tenki iha relasaun diak ba malu, entre imi dádur maluk sira, no ho Guarda Prizional sira,” dehan Mouris iha nia mensajem ba dadur sira, Tersa (4/1/2022), iha Prizaun Becora, Dili.

Mouris mos konta nia esperiénsia moruk no midar sira, wainhira nia sai mos dádur hamutuk ho kolega 12 Novembru sira husi kadeia sira iha tempu okupasaun Indonesia nian durante tinan 3, no muda ba kadeia sira iha Indonésia durante tinan tinan 5 resin.

Diretór Guarda Prizional Becora, João Domingos informa kona ba knár Guarda Prizionál Bekora sira hodi serbi maluk dádur sira nebé lori efeitu pozitivu ba dádur sira iha dádur fatin ne.

“Barak maka hetan libertasaun no la’fila fali ba kadeia ne’e hanesan ema “rezividis” (tama-sai kadeia). Ne’e signifika susesu iha formasaun ba mudansa iha dádur sira nia hahalok,” dehan Joao Domingos.  

Iha vizita ne’e, alende hasoru dadur sira, C12N mos fahe sasan balun hodi uza ba nesesidade dadur sira.

Hola parte iha vizita ne’e mos membru C12N balun.

Writer: VIEIRA, ADAOEditor: MEILANA, Evangelisto Santos
  • Share

Leave a Reply

Your email address will not be published. Required fields are marked *