Video Vizita Ramos Horta ba HNGV

DILI, www.news-viptv.com – Ho numeru kazu dengue ne’ebe kontinua sa’e no hamate ona ema nia vida, Premiadu Nobel da Paz, José Ramos Horta apela no husu envolvimentu sosiedade sira iha Dili no munisipiu sira atu halo limpeza jeral iha bairo-bairo hodi neutraliza kazu dengue no halo fumingasaun iha fatin ne’ebé risku ba dengue.

Ramos Horta hasai lia fuan ne’e iha nia vizita iha Ospitál Nasionál Guido Valadares Dili, Kinta (3/2/2022) kalan, hodi haree direita kondisaun saúde labarik Timoroan lubuk ida ne’ebé baixa no hala’o hela tratamentu saúde ba moras dengue

Vizita privadu ne’e, Horta ne’ebé akompaña hosi ekipa Mediku Timoroan no Cubano introdus direita kondisaun no fasilidade saúde ne’ebé uza hodi fó asistensia labarik sira.

Iha vizita ne’e, Horta motiva ekipa midiku sira atu kontinua servisu makas hodi halo medida prevensaun netruraliza kazu dengue ne’ebé hamate ona labarik na’in-25..

Governu Timor-Leste liu hosi publikaaun Ministeriu Saude, 3 Fevereiru, kazu dengue hamutuk 1.492.  Kazu dengue aas liu iha Dili ho númeru 975, Manatutu 104, Ermera 77, Baucau 69, Manufahi 64, Covalima 51, Aileu 24, ainaro 18 no RAEOA 3.

Dengue nu’udar moras perigozu ida ho ninia klasifikasaun Dengue Fever (DF) ho totál kazu 827, Dengue Hemorrhagic Fever DHF 72 no Dengue Shock Syndrome (DSS) hamutuk 76.