Tinan 24 Bombeiros, VPM Assanami: Persiza Rekruta Jerasaun Foun

DILI, www.news-viptv.com – Vise Primeiru Ministru no Ministru Koordenador assuntu Sosial no Ministru Desenvolvimentu Rural no Habitasaun Komunitaria, Eng. Mariano Assanami Sabino husu membru Bombeiros sira atu kumpri nafatin nia misaun.

Vise Primeiru Ministru iha selebrasaun loron aniversariu Bombeiros ba tinan 24 husu ba instituisaun refere atu kontinua halo formasaun ba membru sira no rekruta jerasaun foun hodi bele involve iha servisu salva vida ema nian ne’e.

Ba jornalista sira iha nia mensajem, Sekretariu Estadu Protesaun Sivil, Domingos Mariano Reis husu nafatin ba membru Bombeiros sira atu hatudu servisu professional.

Bombeiros eziste ihaTimot-Leste iha 9 Novembru 1999 no inagura ezistensia Bombeiros iha 23 Abril 2000, ne’ebe organiza husi Komisaun Apoio Transisaun Timor-Leste (CAT) ne’ebe xefia husi Pe. Vitor Milikias husi Portugal. Ohin loron Bombeiros transforma sai Diresaun Nasional ne’ebe ba Sekretaria  Estadu Protesaun Civil no Ministeiru Interior.

Bombeiros nia Misaun maka, Garantia no proteze seguransa ba sidadaun hotu nia vida, sasan no ambiente. Hamate ahi han uma, Ai laran ka floresta, Industria, fo asistensia ba Asidente Rodaviariu  no apoiu ba komunidade.

Bombeiros nia ezistensia ho ninia papel servisu sira mak hanesan, Kombate Incendios, Servisus Emergensias, Socorro anaufragos (halo salvasaun iha mota, tasi, possu, no spoiu komunidade).