Timor-Leste Vasina ona Doze 890,878 ba Populasaun

DÍLI, www.news-viptv.com – Governu Timor-Leste liu hosi Ministeriu Saude vasina ona doze hamutuk 890,878 ba populasaun hodi aumenta imunidade kontra COVID-19.

Dadus atual ne’ebe publika hosi Organizasaun Saude Mundial (WHO – Ajensia Organizasoens Nasoins Unidas ba assuntu Saude) iha Timor- Leste,  iha Kuarta (26/10/2021) esplika numeru populasaun ne’ebe simu vasina modelu rua Astra-Zeneca ho Sinovac.

Hosi doze 890,878 ne’e, sira ne’ebe simu ona vasina doze dahuluk  maka 539,740 no sira neebe simu doze daruak iha 351,138.

Ba AstreZeneca nian hamutuk iha doze 799,832. Hosi numeru ne’e, sira neebe simu vasina ba doze dahuluk iha  452,559 no doze 307,273 ba daruak nian.

Alende ne’e, numeru ba vasina Sinovac total doze 91,046 6 ne’ebe fo ona ho nia numeru ba doze dahuluk 47,181 no doze daruak 43,865.

Dadus WHO ne’e mos publika progressu vasinasaun ba Munisípiu Díli nian Ministeriu Saude administra ona doze 328,873 (doze dahuluk: 173,431 no doze daruak: 155,441).

Ba Dili nian, hosi numeru total ne’e, maioria barak maka simu AstraZeneca ho total doze  239,154.  Ho nia kalkulasaun doze dahuluk 126,360 no doze daruak 112,154.

Entertantu ba Sinovac ba doze dahuluk 46.4762 no ba doze daruak 43.247, total doze 89,715.