Timor-Leste Realiza Misa Funeral Papa Francisco iha Tasitolu

DILI, www.news-viptv.com – Sarani Katolika Timor-Leste hahu hakonu Altar Sagradu Tasi Tolu hodi partisipa misa funeral papa Francisco ne’ebe sei realiza tuku 10 dadersan oras Vatikanu ou tuku 6 lokoraik oras Timor-Leste.

Maski misa sei hahu tuku 6, sarani sira ho antuzismu lao ain husi bairo oioin iha Kapital Dili, hodi fo omenajem ikus ba funeral Papa Francisco nian.

Iha loron 9 to’o 11 Setembru 2024, Papa Francisco vizita Dili, Timor-Leste hodi halo mos grande misa santidade iha tasi Tolu, Dili. Fatin ne’ebe uluk Papa Joao Paulo Segundu halo misa hanesan wainhira halo viizta iha 12 Outubru 1989.

Timor-Leste nudar mos nasaun maioria Katolika ho nia porsentazem 98 % iha relijiaun maioria nian ne’ebe hetan vizita Papa Francisco wainhira halo viagem ba Azia no Pasifiku.

Husi Basilika Santa Maria Maagioge, Vatikanu, sarani husi nasaun oioin mos hakonu ona resintu Basilika hodi partisipa mos misa funeral ba Papa Francisco.

Papa Franciso hakotu nia iis iha 21 Abril 2025, iha tuku 7.35 tamba sofre moras fuan.