Tenente Jeneral Falur Rate Laek Lidera Inkontru Virtual XEMJ-FA CPLP

DILI, www.news-viptv.com – Xefi Estadu Maior Jeneral Forsas Armadas Timor-Leste, tanente Jeneral Falur Rate Laek lidera inkontru ho Xefi Estadu Maior Jeneral Forsas Armada hosi nasuan membru pais lingua portugueza sira ou CPLP.

Liu hosi inkontru virtual ne’ebe halao iha Kuarta (20/4/2022) iha oras tuku 8 kalan, Tanente Jeneral Falur ne’ebe asumi mos kargu prezidensia ba forsas armadas CPLP nian ne’e kontinua hato’o progressu kona ba koperasaun entre nasaun membru sira, inklui servisu ne’ebe sei realiza iha futuru entre nasaun membru sira.

Alende ne’e, jeneral fitun tolu ne’e mos esklarese Timor-Leste sei halo tan koperasaun ho membru nasaun CPLP ba koperasaun espesial ba area defeza nian.

Reporter: Leonito de Fatima I Cameraman: Justinho Mendonca