Taça RMB 2021 I Manan Maudoko 4-0, S’Amuser Hasoru Buibere iha Semi-Finais

DILI, www.news-viptv.com – FC. S’Amuser sei hasoru FC. Buibere iha semi-finais Taça Rosa Muki Bonaparte (RMB) 2021 hafoin manan FC. Maudoko 4-0, Kuarta (17/11/2021), iha Kampu Futebol FFTL, Dili.

Kapitaun FC. S’Amuser Dolores Verdiana halo golu hattrick iha jogu ne’e liu hosi golu ne’ebe nia hatama iha minutu 9’, 19’, no 48’.

Golu ikus klubu primeira divisaun ne’ebe dadauk ne’e lidera klasifikasaun hatama hosi Leticia do Rego iha minutu 59.

Fc. Maudoko ne’ebe hatun nia jogador estranjeiru nain rua hosi Indonesia ne’ebe empresta hosi FC. Arema Malang maka Ariska no Annisia labele halo buat barak no tenki rekonese sira nia debut ho derrota ne’e.

Iha jogu ne’e, arbitru Gaspar Soares konsege hasai kartaun kinur 4 ba jogador S’Amuser maka Dolores Verdiana, Natalia M Lawa, Julecia Costa, no Albertina Carvalho. Entertantu hosi FC. Maudoko hetan kartaun kinur maka Genivia