Suzana Cardoso Eleita Nu’udar Reprezentante Media Nain ba Konsellu Imprensa

DILI, www.news-viptv.com – Nain Media One Timor, Suzana Cardoso eleita hodi reprezenta media nain sira iha Konsellu Imprensa ba periodu 2025-2029.

Media Nain ho nia reprezentante sira ne’ebe partisipa iha eleisaun hili reprezentante media nain tuur iha Konsellu Imprensa ba periodu 2025-2029. Photo: VIPhoto/Margarida Belo

Suzana Cardoso eleita hafoin iha eleisaun hetan votos 10 husi total votos 19 ne’ebe iha deretu vota.

Iha eleisaun, Suzana Cardoso compete ho atual Prezidenti KI, Otelio Otte ne’ebe hetan deit votos 3 no Sarito Amaral (nain ba media Independente) ne’ebe hetan votos 6.

“Agradese ba media nain sira ne’ebe fo ona votos mai hau, no eleita ne’e laos ba hau Suzana Cardoso ou Timor Post, ou Media One Timor, maibe ba media hotu nia sutentabilidade, ba mandatu ne’ebe antes halo ona, ita bele kontinua, no sedauk halo ita bele aprezenta hodi realiza,” komentariu Suzana Cardoso ba VIP TV.

Nune’e mos Agida dos Santos nu’udar Diretora Exekutiva VIP TV husu ba reprezentante media ne’ebe eleita atu bele reprezenta lian media nain sira iha KI.

“Husu atu mana Suzana bele tau aan katak nia eleita laos ba nia an maibe reprezenta media nain, tamba ne’e servisu sei barak iha oin atu bele lori lian media nain sira koalia iha KI,” dehan Agida.

Bazeia ba artigo alineia B) 45.° numero 5/20/14 lei Komunikasaun Sosial katak; iha reprezentante do orgaos de Komunikasaun Sosial, escolhido por estes, atraves de eleicao; iha mos artigo 46.° lei Komunikasaun sosial nian mandatu membro sira nian maka tinan haat (4) no bele renova dala ida tan.

Ho reprezentante foun ne’e, Diretor Exekutivu KI, Antonio Dias hato’o agradese ba esturtura sesante.

“Hau agradese tamba membro sira segundo mandatu ninian esforso servisu diak hodi kontribui ba dezenvolvimentu ba conselho de imprensa,” hateten Antonio Dias iha nia deskursu, Kuarta (11/12/2024), iha Golden Star Restaurant Audian, Dili.

Ho mandatu membro KI nian ne’ebe sei termina iha fulan fevereiru tinan 2025, maka haktuir ba numero 7 no 8 17.° estatuto iha KI ne’e nomos artigo 6 regulamentu numeru 2/2019 orienta KIaru forma ekipa tekniku ida hodi halo preparasaun sira ba eleisaun tuir lei komunikasaun sosial no estatuto KI nian.

“Ita nia hamutuk ba loron ida ne’e bazeia ba artigo 46 ne’ebe difini katak mandatu ne’e tinan haat (4) deit tamba posse dia 10 de fevereiru entaun 10 de Febreiru (2025) remata i orsida mai ita hahu kedas ho mandatu foun ba 2025-2029 agora ita iha ita mos agora iha prosesu ba alterasaun lei komunikasaun sosial i buat balu ne’ebe mandatu ne’e halo ona ita hein tinan foun mandatu sei mai sei kontribui diak liutan i depois lei komunikasaun sosial ninian bele sai atualizadu liutan,” nia hateten.

Prezidenti KI Otelio Ote hateten kongresu ne’e importante ba orgaun komunikasaun social, laos deit kona-ba kualidade jornalismu, sustentabilidade produsaun, maibe liuliu mos ba KI ida ne’e existe atu garantia ida ne’e Liberdade imprensa kontinuasaun media sira.

“Ne’ebe ohin mos istoriku tebes i infitivu teb-tebes ba KI tuir hotu ita hare maka partensia ba elisaun husi evikasaun tuir lolos alvu laiha mos jornalista laiha tamba ohin diretor ezekutivu dehan ona ita nia KI ne’e atu rezistu maibe ninia demposivel para iha ne’e hotu presija fuan boot kompimisiu presija leal ba instituisaun ne’e hodi lori sesaun ne’e to hotu,” dehan Otelio Ote.

Media nain sira ne’ebe vota maka: