banner 1000x250

SIJK Relata Mane 1 ho Vasina Kompletu Mate Tamba COVID-19

  • Share
Ekipa Saude ne'ebe halo prosesu funeral ba pasiente mate COVID-19 iha Dili fulan hira iu ba. Photo: VIPTV/Constantino Babo
banner 728x90

DILI, news-viptv.com  – Sentru Integradu Jestaun Krize (SIJK) iha 26 Agostu 2021 relata mane ida (1) ho idade 69 ne’ebe simu ona vasina kompletu mate tamba COVID-19.

Kordenadór Forsa-Task ba Prevenaun no Mitigasaun Surtu COVID-19 iha Timor-Leste, Dr. Rui Maria of Araújo iha komunikadu imprensa ne’ebe publika informa iha 26 Agostu relata ema nain 4 maka mate tamba COVID-19, inklui ema 1 ne’ebe simu ona vasinasaun kompletu.

banner 1000x250

“Mane, tinan 69, Timoroan, hela iha Dili, simu ona vasina kompletu, iha 23 Agostu 2021 diagnostikadu syndrome acute respiratory injury (SIRA) tanba COVID-19, no hahú halo tratamentu iha Lahane, iha loron ne ‘ e kedas. Matebian iha nia istoria stroke hemorájiku. Ohin (26 Agostu, red) dader tuku 4 madrugada matebian is-kotu. Familia kordena hela ho ekipa saude sira atu hala ‘o funeral tuir protokolu ne’ ebé adopta iha Timor-Leste,” informa Dr. Rui Araujo.

Ba mate seluk nain tolu (3) relata sedauk simu vasinasaun kontra COVID-19 maka Feto 1 ho idade 65, Timoroan, hela iha Dili, iha 24 Agostu 2021 diagnostikadu syndrome acute respiratory injury (SIRA) tanba COVID-19, no hahú halo treatment iha Vera Cruz, iha loron ne ‘ e kedas. Matebian iha mós istória sofre moras tuberkuloze, hypertensaun & diabetes.

Nune’e mos Mane 1 tinan 69, Timoroan, hela iha Dili, seiduak simu vasina, iha 26 Agostu 2021 diagnostikadu acute respiratory syndrome (SIRA) tanba Covid-19, no hahú hala ‘ o treatment iha HNGV, iha loron ne ‘ e kedas. Ohin dader 02 h00 matebian is-kotu.

Mate ikus maka mane 1 ho idade tinan 23, Timoroan, hela iha Viqueque, seiduak simu vasina, iha 25 Agostu 2021 diagnostikadu acute respiratory syndrome (SIRA) tanba Covid-19. Iha 26 Agostu dadersan atu transfer mai Vera Cruz liu husi ambulánsia aerial, maibé metebian is-kotu tuku 10 h45 dader, ida dalan ba airportu Viqueque. Matebian iha istoria suffers moras tuberkuloze.

Ho mate 4 ne’e, Timor-Leste rejista ona mate hamutuk 54. Ba kazu foun Dr. Rui ARaujo informa iha nain 307, ne’ebe hosi Dili 243, Baucau 30 no munisipiu seluk 34. Nune’e kazu ativu dadauk ne’e hamutuk 4.203 no total Komulativu kazu konfirmadu15.603.

SIJK iha komunikadu imprensa ne’e mos informa numeru rekuperadu hamutuk 152.

Writer: MEILANA, Evangelisto SantosEditor: DOS SANTOS, Agida
  • Share

Leave a Reply

Your email address will not be published. Required fields are marked *

error: Content is protected !!