SEKOMS Halo Sensibilizasaun Literasia Dijital ba Kampana Kombate Hoax iha Manatuto

MANATUTO, www.news-viptv.com – Sekretaria Estadu Komunikasaun Sosial kontinua halao nia programa ba kampana nasional combate Hoax no Promove Internet Saúdavel liu husi Sensibilizasaun Literasia Dijitál ba estudante sira iha Eskola Sekundáriu Jerál Kayrala, Sexta (30/8/2022), iha Manatuto.

Sekretariu Estadu Komunikasaun Sosial (SEKOMS), Mericio Juvinal dos Reis Akara esplika, SEKOMS kontinua hala’o kampaña literasia dijitál ne´e hodi promove edukasaun sivika ba sidadaun sira hodi sai matenek iha konsiénsia uza plataforma dijitál ho di’ak.

SEKOMS husu ba estudante sekundária “Kayrala” atu kontribui hodi kombate Hoax no promove internet saúdavel, nomós lee livru sira, nomós asesu iha plataforma dijitál sira halo barak, hodi sai ema ne’ebé iha koñesimentu no hanoin kritiku.

Alende SEKOMS ne´ebe sai orador principal, iha mos Prezidente Konsellu Imprensa, Virgílio Guterres hateten iha era digital dadauk nee digital sai ona necessidade ba ema hotu tambá ema moris dadauk ne´e mos depende ba informasaun.

Iha fatin hanesan, Diretór Edukasaun Munisípiu Manatuto, Graciano de Jesus Baptista, agradese ba SEKOMS, hodi partilla informasaun sensibilizasaun kampaña kombate Hoax no promove Internet Saúdavel ba estudante sira hodi hafasil moris loronloron nian iha informasaun.

Entertantu estudante sira apresia ba SEKOMS tanba bele hanorin ona estudante sira kona-ba Desinformasaun no informasaun pozitivu sira.