Responde Situasaun Emerjensia, APC-WFP Realiza Seminariu Initial Preparasaun Logistika Umanitária

DILI, www.news-viptv.com – Hodi Resposta no rekopera ba emerjensia durante tempu dezastre, Autoridade Protesaun Sivil (APC) ho parseria ajensia Nasoens Unidas ba programa ai-han nian (WFP) realiza Seminariu Initial Preparasaun Logistika Umanitária durante loron rua hahu 14-15 Novembru 2024.

Ba jornalista sira, Sekretariu Estadu Protesaun Sivil, Domingos  Manuel Reis esplika, iha seminariu atu fo konesementu klean liu ba official Protesaun Sivil oinsa halo mobilizasaun umanitaria liliu iha lojistika nian.

“Saida mak lojistika umanitaria, elementu umanitaria ida hodi bele kontribui ba preparasaun resposta no rekopera ba emergensia. Ita iha tipu dezastre ne’e iha tipo oin barak iha Timor- Leste, rai halai, be’e sa’e, ahi-han, rai halai, rai nakadoko. Entaun ho grau ne’ebe mak bo’ot, sa planu ida maka bele resposta emerjencia ida ne’e, Ita atu mobiliza rekursu ida ne’ebe hodi apoio emerjensia ne’e,“ dehan Domingos Reis, Kinta (14/11/2024), iha Hotel Novo Turismu, Dili.

Nia esklarese, WFP nu’udar parseiru sempre hamrik iha APC nian sorin wainhira akontese dezastre ruma liu husi apoia ai-han no transporte.

Iha fain hanesan Diretor WFP Timor-Leste, Amin Said hateten, objektivu iha workshop refere hanesan parseiru sempre halo kolaborasaun diak ho nia servisu ho APC iha responde situasaun emerjensia.

“Ohin loron hare mos iha asuntu barak liliu konabá logistika umanitaria ninian, ne’e duni hanesan ohin ita boot sira rona katak ida nee atu haforsa liu tan fundasaun ba iha parte logistika humanitaria ninian kuandu iha emergensia ruma ita fasil hodi bele Registu iha situasaun  neebe mak emerjensia,” dehan Amin Said.

Seminariu ne’e hetan partisipasaun husi superior APC sira hahu husi munisipiu to’o nasional, ho mos parseiriu APC sira.