Rai Monu iha Taibor, Hamate Movimentu Kareta

AILEU, www.news-viptv.com – Udan bo’oot ne’ebe akontese durante oras rua nia laran iha Kuarta (23/2/2022), rezulta rai monu iha Taibor, Suku Bandodato, Postu Administrativu Aileu, Munisipiu Aileu.

Rai monu ne’ebe akontese ne’e taka dalan nasional ne’ebe liga entre Aileu ba Ainaro no konsege hapara movimentu kareta sira.

Paulino Martins nudar joventude esplika nia ho nia maluk jovem balun hola inisiativa rasik hodi suru ses rai ne’ebe monu, inklui fatuk ne’ebe taka dalan.

Maski la rezulta vitima, maibe rai monu ne’e konsege estraga komunidade nia aihoris hanesan kafe ho Au.

Reportagem: Clementina Fatima