banner 1000x250

Promove Dame iha Timor-Leste no Mundu, HWPL Asina MOU ho VIP TV

  • Share
banner 728x90

DILI, www.news-viptv.com – Organizasaun dame internasional Heavenly Culture, World Peace, Restoration of Light (HWPL) ou Kultura Selestial, Dame Mundial, Restaurasaun da Luz ne’ebe iha nia membru nasaun hamutuk 178 halo koperasaun ho Video Information Provider Television (VIP TV) ne’ebe selebra liu hosi asina memorandum do intendementu, Kinta (23/11/2023) iha edifisiu VIP TV, Kakaulidun, Dili.

Memorandum do intendementu ne’e asina hosi HWPL ne’ebe reprezenta hosi Chloe Lee nu’udar Diretor Jeral ba Lei Internasional no VIP TV reprezenta hosi Evangelisto Gantry dos Santos Meilana nu’udar nain ba VIP TV.

Diretor Jeral Lei Internasional HWPL, Chloe Lee no Diretor Jeral IPYG HWPL, Jennifer Choi foto hamutuk ho jornalista VIP TV hafoin asina MOU HWPL kopera ho VIP TV iha promosaun dame nian. Foto: Lucitania Barreto / VIP TV

Objetivu asina MOU ne’e maka HWPL hili ona VIP TV nu’udar parseiru media iha Timor-Leste ne’ebe sei hamutuk ho HWPL hodi promove dame, harmonia no dezemvolvimentu entre ema hotu inklui feto, foin sa’e sira, lidera relijiozu, lider nasaun, no lideransa sira ne’ebe promove kultura dame nian.

HWPL nu’udar organizasaun internasional ba dame nian ne’ebe assosiada ba Konsellu Ekonomia no Sosial Nasoens Unidas (ECOSOC) no Departementu Komunikasaun Global Nasoens Unidas.

HWPL Transende diferensia kultura, fiar, relijaun, servisu hamutuk ho lider sira no foin sa’e sira ba esforsu solusaun dame ne’ebe inklusivu no sustentavel hodi transmite esforsu sira ba promosaun kultura dame, refleta kultura selestial sem kores ho valor domin, respeitu ho abundansia. Hanesan lalehan ne’ebe nunka para fornese naroman, udan no aar ba ema hotu hodi bele moris.

Iha koperasaun ne’e, parte VIP sei ativamente kolabora ho HWPL hodi promove dame iha Timor-Leste no partisipa iha atividade sira ne’ebe organiza hosi HWPL nasionalmente no internasional, inklui involve mos iha projetu arte ba dame publiku nian ba estabelesementu Dili Sidade dame no partisipa iha edukasaun jurnalismu dame ne’ebe organiza hosi HWPL no Konsellu Imprensa Timor-Leste.

Hafoin asina MOU ne’e, Jenifer Choi nu’udar Diretor Jeral ba International Peace Youth Group ne’ebe mai mos nu’udar delegasaun HWPL konvida parte VIP TV hodi partisipa iha konferensia internasional HWPL nian iha Seoul, Koreia Sul tinan oin.

  • Share

Leave a Reply

Your email address will not be published. Required fields are marked *

error: Content is protected !!