Promove ba Fitun 3, Falur Rate Laek Xefi Estadu Maior Jeneral F-FDTL Foun

  • Share
Falur Rate Laek wainhira simu posse nudar Vise Estadu Maior Jeneral Forsas Armadas. Photo: Media PR

DILI, www.news-viptv.com – Maijor Jeneral Falur Rate Laer liu hosi Dekretu Prezidenti Republika hetan promosaun ba fitun tolu (3) no sai nudar Xefi Estadu Maior Jenral Forsa Armada F-FDTL foun hodi troka Tanente Jeneral Lere Anan Timur.

Promoasaun Tanente Jeneral Falur Rate Laek ne’e dekreta iha Dekretu Prezidenti Republika numeru 6/2022 no publika iha Jornal da republica, Sexta (28/1/2022) ho numeru serie I no5A.

banner 336x280
Falur Rate Laek ho Diviza Brigedeiru Jeneral

Antes ne’e Tanente Jeneral Falur Rate Laek nudar Vise Xefi Estadiu Maior Jeneral ho fitun rua.

Falur Rate Laek moris ho naran Domingos Raul iha Samaliu-Loihuno, 9 Jullu 1955, asumi kargu Vise Xefi Estadu Maior Jeneral Forsas Armadas desde 1 Outubru 2018.

Pozisaun Falur Rate Laek hahu diviza ho Tanente Koronel (1 Fevereiru 2001 to’o 14 Janieiru 2010). Iha 14 Janeiru 2010 hetan promosaun sa’e diviza Koronel to’o 7 Junu 2018.

Dedikasaun Falur Rate Laek ne’e maka iha 7 Junu 2018, Ministeriu Defeza fo tan promosaun diviza ba Brigadeiru Jeneral to’o 26 fevereiru 2021 no kontinua sa’e ba fitun rua ho diviza Major Jeneral to’o 28 Janieiru 2022.

Kontribuisaun Falur Rate Laek durante funu hetan rekonesementu hosi estadu ho Ordem da guerrilha iha 7 Dezembru 2006 hosi Prezidenti Jose Ramos Horta. Iha Maiu 2017, Falur Rate Laek simu tan Ordem de Timor-Leste.

Falur Rate Laek wainhira ho diviza Koronel

Nudar veteranu ne’ebe sei ativu iha Forsa Armadas, Falur Rate Laek mos simu Medalha de Merito no Medalia Halibur, inklui simu medallia hosi Portugal ho naran Medalha de D. Afonso Henriques.

Iha Kinta (27/1/2022) Konsellu Superior Defeza no Seguransa reune fó sira-nia hanoin kona-ba proposta husi Governu nian ne’ebé deside iha Konsellu Ministru, iha 21 janeiru 2022, hodi ezonera Tenente Jenerál Lere Anan Timur, ezonera Majór-Jenerál Falur Rate Laek husi kargu Vise-Xefe Estadu-Maiór-Jeneral, nomeasaun Majór-Jenerál Falur Rate Laek ba kargu Xefe Estadu-Maiór Jenerál Forsas Armadas, nomeasaun Brigadeiru Jenerál Calisto dos Santos Coliati ba kargu Vise-Xefe-Estadu-Maiór Jenerál Forsas Armadas no mantein nomeasaun Komodoru Pedro Klamar Fuik ba kargu Xefe Estadu Maiór Forsas Armadas.

Lere Anan Timur hatoo karta rezignasaun hodi nia pozisaun hodi moris ba vida sivil no kompete iha eleisaun prezidensial hodi kandidata nia an ba prezienti republika.

Ho Dekretu PR ne’e, hahu dekretu ne’e publika, Lere Anan Timur moris ona nudar sidadaun baibain.

  • Share

Leave a Reply

Your email address will not be published. Required fields are marked *