Produtu Bambu Timor-Leste hetan order Hosi Taiwan

DILI, news-viptv.com – Instituto Bambu Timor-Leste hetan kontaktu hosi Taiwan hodi hatama produtu ne’ebe produz hosi instituto refere.

Direitor Ezekutivu Instituto Bambu Timor-Leste, Anito Matos hato’o lia hirak ne’e wainhira realiza expo ba sira nia produtu iha Timor Plaza, Sabado (18/09/2021).

Ba tinan ne’e, to’o dezembru Anito Matos optimista katak instituisaun ne’ebe nia liedra sei hatama reseita US$ 200.000 ba estadu.

Produtu ne’ebe produz dadauk ne’e hanesan sasan mobiliariu uma laran no edifisiu ne’ebe iha kualidade internasional.

Iha expozisaun ne’e, hola mos prezensa hosi Ministru Agrikultura no Peska Pedro dos Reis, Ministru Petroleu no MInerais ho Antigu Prezidenti Jose Ramos Horta.