PR Ramos-Horta Halo Lansamentu Kolektivamente ba Rejistu Moris ba Labarik

DILI, www.news-viptv.com  – Prezidente Repúblika (PR), Jose Ramos-Horta ofisialmente halo lansamentu ho kolektivamente ba Rejistu Moris ba labarik foin moris ho forma movel, Segunda (30/9/2024), iha Jardím Infantíl Palásiu Prezidensiál, Dili.

Serimónia lansamentu ho kolektivamente ba rejistu moris ba labarik foin moris ho forma móvel ho idade tinan 0 to’o tinan 5, iha munisípiu Baucau, Dili, Atauro, Ermera, Liquiça no Viqueque.

Programa ne’e, hateten PR Ramos-Horta, importante tebes, tanba implementasaun direitu ida ne’e labarik nian no sidadaun sira nian.

“Hau Kongratula ba Governu ne’ebe iha inisiativu, ba iha prosesu rejistativa ba labarik sira, no agreadese ba parseiru internasional, Japaun, Australia, ne’ebe fo’o apoiu, maibe iha mos doador sira seluk. Ne’e duni Kongratula mos ba MJ, UNICEF, ne’ebe parseiru numeru ida ba labarik no Inan sira iha Timoro- Leste no mundu,” dehan xefi estadu.

Ainhoa Jauregui nu’udar Adjuntu UNICEF iha Timor-Leste hateten, rejistu labarik nian ne’e fundamentu tebes atu hakonu labarik sira nia direitu ba naran, nasionalidade no identidade.

“Rejistu labarik sira iha kedas bainhira sira moris ho sertifikadu makursial, atu garante servisu esensial no mos ba protesaun ba sira iha eventu ne’ebe bainhira sira separadu ho Inan, aman, abandonamentu no abusu. Rejistu labarik nian mos kursial tebes ba direitu sira sel-seluk hanesan, saude primaria, edukasaun, salva guarda, no prevende sira sai traballador infantil,” nia dehan.

Iha dekada ida ne’e, nia esklarese, UNICEF halo ona parseira ho Ministeiru Justisa hodi halo reforma no kritika iha area rejistu labarik sira hosi suporta ka apoio husi Governu, Japaun nian no UNICEF mos halo parseria ho Governu Timor-Leste ,mellora sistema rejistu labarik nian ne’ebe jeralmente iha rai ida ne’e, inklui formasaun rejistu movel hodi asesu liu tan iha labarik Timor-Leste.

“Ami apresia tebes ba apoiu husi duadores sira hotu ne’ebe mak atu ajuda  ba labarik  Timor-Leste sira tamba direitu importante. Ha’u haksolok tebe-tebes atu ohin loron lansa sistema rejistu movel ba labarik sira ho parseria husi Governu nomos NGO,” nia hateten.

Iha fatin hanesan, Ministru Justisa Dr. Sergio Hornai apela ba publiku no Inan aman sira atu foti desbantajem husi sistema ne’ebe mak Governu estabelese, laos deit atu rejistu sira nia oan, maibe hetan mos sertifikadu ba rejistu nian.

“Ha’u fiar katak ho esforsu ne’ebe sempre renova no Timor-Leste, sei bele rejista labarik ida-idak ne’ebe mak moris no bele atinji dezemvolvimentu sustentavel hodi fornese identidade legal ba labarik hotu-hotu, inklui rejistu labarik nian,” dehan Dr. Sergio Hornai.

Nu’udar membru governu ne’ebe mos responsabiliza iha rejistu moris nian, rejistu ne’e laos deit iha munisipiu, maibe to’o postu sira atu bele lori servisu rejistu besik liu ba komunidade.

“Tuir ita nia lei no ita nia legislasaun sira ne’ebe mak iha ho Importansia katak, ho rejistu sai hanesan obrigatoriu para ema sidadaun ida-idak bainhira nia moris nia iha direitu ba iha personalidade juridika rejistu nian,” dehan membru governu ne’e.

Rejistu ida ne’e, nia esplika, nia alvo atu bele rejista porvolta 15 mill pessoas, rejistadu iha area urbana to remotes.