banner 1000x250

PR Lu-Olo Sei Estuda Ezonerasaun Jeneral Lere

  • Share
PR Lu Olo wainhira lidera PR Lu-Olo wainhira lidera Konsellu Superior Defeza no Seguransa (KSDS) hodi deskuti proposta Governu ba ezonerasaun Tanente Jeneral Lere Anan Timur iha Palasiu Prezidensial. Photo: Media PR/ Juliao Fernandes
banner 728x90

DILI, www.news-viptv.comPrezidente Repúblika, Francisco Guterres Lú Olo kontinua sei estuda ezonerasaun Tanente Jeneral Lere Anan Timur hosi kargu Xefi Estadu Maior Jeneral Forsas Armadas.

Xefi Kaza Militar, Antonio Soares Maukalo hateten Prezidente Repúblika sei halo analiza ba opiniaun sira ne’e no foti desizaun iha tempu badak nia laran.

banner 1000x250
Tanente Jeneral Lere Anan Timur Photo: Media PR/ Juliao Fernandes

“Bele loron ida, loron rua, bele oras mós bele. Estuda kuandu to’o ona nia fó-sai,” informa Xefi Kaza Militar iha komunikadu ne’ebe publika hosi Gabinete Presidensia Republika.

Nia dehan tan, “Bainhira esplika tiha situasaun ne’e idaidak mós fó hanoin. Fó hanoin barak, hanoin pozitivu. Orgaun konsulta, Prezidente mak sei deside.”

Xafi Kaza Militar ne’e esplika, PR Lu-Olo sei uza nia kompeténsia atu ezonera, nomea no promove xefias FALINTIL-Forsa Defeza Timor-Leste (FFDTL), hafoin rona membru Konsellu Superior Defeza no Seguransa (KSDS) nia hanoin.

Ohin (Kinta, 27/1/2022) Konsellu Superior Defeza no Seguransa reune fó sira-nia hanoin kona-ba proposta husi Governu nian ne’ebé deside iha Konsellu Ministru, iha 21 janeiru 2022, hodi ezonera Tenente Jenerál Lere Anan Timur, ezonera Majór-Jenerál Falur Rate Laek husi kargu Vise-Xefe Estadu-Maiór-Jeneral, nomeasaun Majór-Jenerál Falur Rate Laek ba kargu Xefe Estadu-Maiór Jenerál Forsas Armadas, nomeasaun Brigadeiru Jenerál Calisto dos Santos Coliati ba kargu Vise-Xefe-Estadu-Maiór Jenerál Forsas Armadas no mantein nomeasaun Komodoru Pedro Klamar Fuik ba kargu Xefe Estadu Maiór Forsas Armadas.

PR Lu Olo wainhira lidera PR Lu-Olo wainhira lidera Konsellu Superior Defeza no Seguransa (KSDS) hodi deskuti proposta Governu ba ezonerasaun Tanente Jeneral Lere Anan Timur iha Palasiu Prezidensial. Photo: Media PR/ Juliao Fernandes

Prezidente Repúblika prezide reuniaun KSDS hodi ko’alia kona-ba ezonerasaun, nomeasaun no promosaun jenerais Forsas Armadas nian.

Prezidente Repúblika loke reuniaun ne’e hato’o proposta Governu nian no fó oportunidade ba Primeiru Ministru Taur Matan Ruak esplika kona-ba desizaun Konsellu Ministru nian kona-ba ezonerasaun, nomeasaun no promosaun jenerais Forsas Armadas.

Ajenda ne’ebé ko’alia iha reuniaun liga direta ho ezonerasaun Xefe Estadu Maior Jenerál Lere Anan Timur nian tanba ne’e tuir regra membru Konsellu ne’e tenke husik fatin enkontru nian.

“Kuandu mai atu deskute kona-ba jeneral nian, desde assuntu ne’e trata kona-ba jeneral nian situasaun, regra regula dispensa tiha jeneral hela iha li’ur. Tanba ne’e mak ohin jeneral sai tiha ba li’ur,” esplika Antonio Soares.

Nu’udar Komandante Supremu Forsas Armadas nian, Prezidente Repúblika haktuir de’it prosedimentu legais kona-ba ezonerasaun, nomeasaun no promosaun ne’ebé hakerek iha Konstituisaun no Lei sira.

  • Share

Leave a Reply

Your email address will not be published. Required fields are marked *

error: Content is protected !!