DILI, www.news-viptv.com – Prezidenti Republika (PR) Francisco Guterres Lu-Olo dekreta ona liu hosi Dekretu Prezidenti republika numeru 4/2022 hodi ezonera Tanente Jeneral Lere Anan Timor hosi kargu Xefi Estadu Maior Jeneral Forsas Armadas F-FDTL.
Dekretu Prezidedenti Republika ne’e publika ona iha Jornal da republica, Sexta (28/1/2022) ho numeru serie I no5A.

Iha Kinta (27/1/2022) Konsellu Superior Defeza no Seguransa reune fó sira-nia hanoin kona-ba proposta husi Governu nian ne’ebé deside iha Konsellu Ministru, iha 21 janeiru 2022, hodi ezonera Tenente Jenerál Lere Anan Timur, ezonera Majór-Jenerál Falur Rate Laek husi kargu Vise-Xefe Estadu-Maiór-Jeneral, nomeasaun Majór-Jenerál Falur Rate Laek ba kargu Xefe Estadu-Maiór Jenerál Forsas Armadas, nomeasaun Brigadeiru Jenerál Calisto dos Santos Coliati ba kargu Vise-Xefe-Estadu-Maiór Jenerál Forsas Armadas no mantein nomeasaun Komodoru Pedro Klamar Fuik ba kargu Xefe Estadu Maiór Forsas Armadas.
Antes ne’e Tanente Jeneral Lere Anan Timur hatoo karta rezignasaun hodi nia pozisaun hodi moris ba vida sivil no kompete iha eleisaun prezidensial hodi kandidata nia an ba prezienti republika.
Ho Dekretu PR ne’e, hahu dekretu ne’e publika, Lere Anan Timur moris ona nudar sidadaun baibain.
Jeneral fitun tolu, Lere Anan Timur moris iha Daraa Mara, Iliomar, 2 Fevereiru 1952. Oan hosi Domingos Dos Santos ho Filipa do Santos.
Kareira Jeneral Lere iha F-FDTL hahu ho kargu Xefi Estadu Maior das F-FDTL iha tinan 2002 to’o 2011, depois kontinua ba Xefi Estadu Maior Jeneral F-FDTL 2011 to’o 2022.
Iha tempu okupasaun Indonesia, iha tinan 1975 nudar Vise Sekretariu Zona Iliomar.
1976 – 1978 eletu sai Delegadu Komisariadu no nomeadu Sekretariu Zona Marabia Traktor no Responsavel RENAL iha Ponta Leste.
1978 – 1980 Komandante Sul Ponta Leste
1981 Membru Komite Central FRETILIN no Komisariu Politiku Rejiaun Funu sei nafatin
1983 – 1984 Komisariu Politik Rejiaun Haksolok. Destakadu iha fronteira hamutuk Komandante Feras, Komandante Lekas no sira seluk hanesan Saudozu Samba 9, Maukaro 305, no kamarada sira seluk
1984 – 1990 Komandante 4 Unidade iha Sentru Sul hamutuk ho Komandante Ular Ri’ik
1990 – 1999 Primeiru Komandante Rejiaun Ponta Sul no Responsavel Prinspal
1997 – 1999 Sub Xefi Estadu Maior FALINTIL no Primeiru Komandante Rejiaun Ponta Leste pur akumulasaun