banner 1000x250

PR Horta Husu Povu Hatoman An Fase Liman ho Sabaun

  • Share
PR Ramos-Horta. Foto: Media PR
banner 728x90

Dili, www.news-viptv.com – Prezidenti Republika (PR) Jose Ramos-Horta iha komemorasaun loron mundial fase-liman nian husu bai nan-aman sira atu hatoman sira nian oan fase liman ho sabaun.

Xefi estadu esplika, fase liman ho sabaun diak ba ijene hodi prevene moras, liliu ba labarik sira ne’ebe hetan moras ho baterias oioin.

Ministra Edukasaun, Dulce Soares koalia iha selebrasaun Loron Mundial Fase Liman ho Sabaun. Foto: Media PR

“fase liman ho sabaun hanesan prevensaun ba moras. Labarik no ema barak hetan moras oioin tanba baktéria oioin husi foér sira, ezemplu wainhira labarik sira halimar foér loron tomak depois ba han ka toba la fase liman, no hader mai la fase liman, ida ne’e mak moras mós bele ataka. Ha’u husu ba inan-aman sira, se imi hadomi imi-nia oan sira tau osan balun hodi sosa sabaun, sabaun baratu nia mós bele,” dehan xefi estadu, Kinta (26/10/2023), iha Kantina Matak Palasiu Prezidensial.

Xefe Estadu mós kestiona katak Timor-Leste fumadór persentajen boot liu iha mundu husi totál populasaun Timor-Leste. Ida ne’e signifika katak moras barak hanesan moras pulmaun sei barak no fuma hanesan mós sunu osan. Di’ak liu mak uza osan hirak ne’e sosa netik sabaun hodi prevene moras.

Iha nia mensajem, Ministra Edukasaun, Dulce Soares liu hosi selebrasaun fase liman ho sabaun bele fo komprensaun ba labarik sira atu hatoman an fase sira nia liman ho sabaun nune’e bele hadook an hosi moras.

“Fase liman ho sabaun importante tebe-tebes tanba kuandu liman foer labarik sei han hahan ne’ebe mak la mos. Sira sei kaer sira nia oin, isin no foer ne’ebe mak iha sira nia liman sei lori tama ba sira nia isin halo sira kabun moras depois bele hamosu moras oi-oin,” dehan ministra edukasaun.

Iha pratika, inan-aman maka iha papel importante teb-tebes atu hahu katak inam-aman sira mak hanorin no sira rasik tenke sai modelu atu fase liman nune’e oan sira bele halo tuir.

Reprezentante Unilever, Flavia da Costa Bosa hateten, Unilever alende atividade ne’ebe sira halo laos deit apoia ba fase liman ho sabaun, iha mos Kose Nehan Eventu.

“Fase liman ho sabaun, ida ne’e hanesan hahalok di’ak ne ebé bele lori saúde no ijene ba familia hotu – hotu,” nia dehan.

  • Share

Leave a Reply

Your email address will not be published. Required fields are marked *

error: Content is protected !!