PNTL Dili fo Posse Membru KPK no Seguransa Komunitaria Suku Villa Verde

DILI, www.news-viptv.com – Komando Policia Nasional Timor Leste (PNTL) Munisipiu Dili fo posse ba membro Konsellu Policiamento Komunitaria (KPK) nain 34 no Seguransa Komunitaria nain 23 ba iha Suku Villa Verde, Postu Administrativu Vera Cruz, Sexta (31/5/2024) iha Kuartel Komando PNTL Municipio Dili, Caicoli.

Ho posse ne’e, Komandante Komando PNTL Municipio Dili, Superintendente Xefe Orlando Gomes husu ba KPK Seguransa Komunitaria iha Suku Vila Verde atu servisu hamutuk prevene no kombate krime iha Timor-Leste, liliu iha Suku Villa Verde.

“Ita estabelese seguransa komunitaria suku ho objetivo ida atu prevene no kombate krime iha ita nia suku laran hodi responde ba preokupasaun Komunidade nian ne’ebe maka komprende parte seguransa nian Tamba ne’e rekrutanentu ba Konsellu Policiamento Komunitaria (KPK) nain 34 no seguransa komunitaria suku Vila Verde 23, KPK no seguransa komunitaria suku ne’e iha estrutura ida deit servisu mak hare ba ida-idak nian maibe estrutural iha Konsellu komunitaria,” dehan Sup. Xefi Orlando Gomes.

Presidente Autoridade Município Dili, Gregorio Saldanha hateten ho programa reativa KPK no Seguransa Komunitaria suku sira mos iha obrigasaun hodi hare hamutuk asuntu seguransa ba interese nasaun nian.

Membru KPK Alarico Rodrigues de Jesus pronto ho PNTL hodi servisu hamutuk hodi hare asuntu seguransa iha suku laran.

“Ami nia ponto importante liu mak oinsa atu halo prevensaun ba iha konflitu iha Komunidade sira no iha suku laran tamba ami la sai husi ami nia suku , Ami sei la servisu mesak sei servisu hamutuk ho polocia komunitaria no seguransa sira no eskuadra posto bera kruz nian no mos policia destakado município Dili,” nia dehan.

Entertantu Superintendente Xefi Jorge Monteiro reprezenta Komandante Jeral PNTL husu ba membru KPK no Seguransa Komunitaria sira atu komprende knar no responsabilidade tuir matadalan ne’ebe iha.

“Labele Lao fora husi matadalan nebe hakerek ona no guia ita, tamba kuandu ita lao la tuir ona norma ne’ebe iha bele prezudika ita nia aan rasik no ita nia komunidade,” dehan Sup. Xefi Jorge Monteiro.