PM Xanana Alerta Membru Governu Ne’ebe Sai Broker Berdasi

DILI, www.news-viptv.com – Primeiru Ministru Kay Rala Xanana Gusmão alerta ba membru governu no diretor sira ne’ebe sai broker berdasi ba projetu governu nian nian.

Xefi governu hateten, iha workshop ne’ebe nia halo ho setor privadu sira foin lais ne’e fo sai, iha duni broker berdasi sira ne’ebe involve mos ministru, vise ministru, sekretariu estadu no diretor sira.

Nune’e mos ba empreza publiku no instituisaun publiku ne’ebe simu osan bobo’ot maibe laiha rezultadu servisu ne’ebe diak, xefi governu deklara ona sei taka.

Governu iha nia politika, esplika PM Xanana, iha tinan 2026, governu sei harii banku ida hodi dudu no apoia empreza mikro no pekena media.

PM Xanana informa mos Hodi dezemvolve Setor Turismu iha Timor-Leste, governu sei kria uluk infraestrutura bazika nune’e bele atrai turista sira husi rai liur.

Iha planu estratejiku dezemvolvimentu nasional, Primeiru Ministru Kay Rala Xanana Gusmao hateten, setor turismo sai duni prioridade governu nia ba dezemvolvimentu nasional.

Xefi governu ne’e hateten, nia respeita los ho konseitu ekonomia Prezidenti Republika ba dezemvolvimentu setor turismo iha Timor-Leste, maibe governu kontinua sei hahu dezemvolvimentu ne’e hodi tau prioridade uluk ba insfraestutura bazika nian.