DILI, news-viptv.com – Implementasaun Konfinamentu Domisiliariu Jeral ne’ebe governu aplika ohin loron lori tristeza bo’ot ba negosiante ambulante sira.
Tristeza tamba tuir negosiante nu’u Antonio Pereira konfinamentu ne’e bele hamenus nia rendimentu.
“Nu’udar negosiu ida, moris depende ba faan pulsa no nu’u, maibe Governu sira implementa konfinamentu, sasan ne’ebe faan la folin, kompradores (em sira ne’ebe sosa) menus nune’e la bele hetan osan hodi sustenta moris loro-loron,” dehan Antonio ba news-viptv.com, iha Motael, Dili, Sexta (27/8/2021).
Abrão Guteres Fernandes, negosiante iha Merkadu Taibessi husu ba governu lalika implementa tan konfinamentu no estadu emergensia atu nune’e povu bele buka fali moris.
Observasaun ekipa VIPTV, situasaun Kapital Dili menus ho movimentu transporte sira no populasaun sira iha Dili laran kumpri duni dezisaun governu nian ba implementasaun konfinamentu domisiliariu jeral ne’e, inklui mos atividade negosiu hanesan loja ne’ebe la hetan autorizasaun hodi loke, kumpri hotu.